နာပိုလီနဲ့ ချန်ပီယံလိဂ် ဗိုလ်လုပွဲမှာ ထိပ်တိုက် တွေ့ချင်နေတဲ့ ချဲလ်ဆီး နောက်ခံလူ၊ တူချယ်ကို ပစ်မှတ်ထားနေတဲ့ စီးရီးအေ ကလပ်များ (စီးရီးအေ နောက်ဆုံးရ သတင်းများ)

နာပိုလီနဲ့ ချန်ပီယံလိဂ် ဗိုလ်လုပွဲမှာ ထိပ်တိုက်တွေ့ချင်နေတဲ့ ချဲလ်ဆီး နောက်ခံလူ၊ တူချယ်ကို ပစ်မှတ်ထားနေတဲ့ စီးရီးအေ ထိပ်သီး နှစ်သင်း စတဲ့ သတင်းတွေ အပါအဝင် မတ် ၉ ရက်နေ့ရဲ့ စီးရီးအေ သတင်း တချို့ကို ဖော်ပြပေးသွားမှာ ဖြစ်ပါတယ်။

နာပိုလီနဲ့ ချန်ပီယံလိဂ် ဗိုလ်လုပွဲမှာ ထိပ်တိုက်တွေ့ချင်နေတဲ့ ချဲလ်ဆီး နောက်ခံလူ

ချဲလ်ဆီး နောက်ခံလူ ကာလီဒူ ကူလီဘလီ ကတော့ ချန်ပီယံလိဂ် ဗိုလ်လုပွဲမှာ စီးရီးအေ ကလပ် နာပိုလီနဲ့ ထိပ်တိုက် တွေ့ဆုံလိုတယ်လို့ ပြောကြားလိုက်ပါတယ်။
ကူလီဘလီဟာ ပြီးခဲ့တဲ့ နွေရာသီကမှ နာပိုလီ ကနေ ချဲလ်ဆီးကို ပြောင်းရွှေ့လာခဲ့တာ ဖြစ်ပြီး အသင်းနဲ့ အတူ ပထမဆုံး ရာသီမှာ ချန်ပီယံလိဂ် ကွာတားဖိုင်နယ် တက်ရောက်နိုင်ခဲ့တဲ့နောက် အခုလိုမျိုး ပြောကြားလာခဲ့တာပါ။

ဆီနီဂေါ လက်ရွေးစင် နောက်ခံလူက အစ္စတန်ဘူလ်မှာက လွဲလို့ ကျွန်တော်တို့ အနေနဲ့ နာပိုလီနဲ့ တတ်နိုင်သလောက် ခပ်ဝေးဝေးမှာပဲ တွေ့ချင်ကြောင်း၊ နာပိုလီကို ချန်ပီယံလိဂ် ဗိုလ်လုပွဲ တက်ရောက်နိုင်ဖို့ မျှော်လင့်ကြောင်း ပြောကြားခဲ့ပါတယ်။

နာပိုလီ ကလည်း ချန်ပီယံလိဂ် ရှုံးထွက် (၁၆) သင်းအဆင့် ပထမအကျော့မှာ ဖရန့်ဖတ်ကို နှစ်ဂိုးပြတ်နဲ့ အနိုင်ရထားပြီး ကွာတားဖိုင်နယ်ကို တက်ရောက်နိုင်ဖို့ အတွက် အခြေအနေ ကောင်းလျက် ရှိပါတယ်။

တူချယ်ကို ပစ်မှတ်ထားနေတဲ့ စီးရီးအေ ထိပ်သီး နှစ်သင်း

စီးရီးအေ ထိပ်တန်း ကလပ်တွေ ဖြစ်တဲ့ အင်တာမီလန်နဲ့ ရိုးမားတို့ ဟာ ချဲလ်ဆီး၊ ဒေါ့မန် တို့ရဲ့ နည်းပြဟောင်း သောမတ်စ် တူချယ်ကို ခေါ်ယူဖို့ ပစ်မှတ်ထား စောင့်ကြည့်နေကြောင်း သိရပါတယ်။

တူချယ်ဟာ ဒီရာသီ အစောပိုင်းမှာ ချဲလ်ဆီး နည်းပြ ရာထူး ကနေ အထုတ်ခံရပြီးနောက်ပိုင်း လက်ရှိအချိန် အထိ အသင်း လက်မဲ့ ဖြစ်နေသူပါ။

ဒီအတောအတွင်းမှာ တူချယ် အတွက် လက်ရွေးစင် နည်းပြ ရာထူး အချို့ အပါအဝင် လေဗာကူဆင် ကလည်း ကမ်းလှမ်းခဲ့ပေမယ့် ကာယကံရှင် ကိုယ်တိုင် ကတော့ ငြင်းဆန်ပယ်ချခဲ့ပါတယ်။

လက်ရှိအချိန် မှာတော့ ရိုးမားဟာ သူတို့ရဲ့ နည်းပြ ဟိုဆေး မော်ရင်ဟိုကို လက်လွှတ်ရဖွယ် ရှိနေတာကြောင့် တူချယ်ကို စိတ်ဝင်စားနေပြီး အင်တာမီလန် ကလည်း ဖိအားတွေအောက် ရောက်ရှိနေတဲ့ နည်းပြ ဆီမြွန်နီ အင်ဇာဂီရဲ့ နေရာမှာ အစားထိုးဖို့ တူချယ်လ်ကို စောင့်ကြည့်နေတာ ဖြစ်ပါတယ်။

ဒါ့အပြင် ဂျာမန် လူမျိုး နည်းပြကို ပရီးမီးယားလိဂ် ကလပ် အသင်း တစ်သင်း ဖြစ်တဲ့ တော့တင်ဟမ်ဟော့စပါး ကလည်း စိတ်ဝင်စားနေကြောင်း သတင်းတွေက ဖော်ပြနေပါတယ်။

အိုဆင်ဟန်ကို ယူနိုက်တက်ဆီ ပြောင်းရွှေ့ဖို့ တိုက်တွန်းလိုက်တဲ့ အီဂါလို

မန်ချက်စတာယူနိုက်တက် တိုက်စစ်မှူးဟောင်း အိုဒီယွန် အီဂါလိုက နာပိုလီ တိုက်စစ်မှူး ဗစ်တာ အိုဆင်မ်ဟန် အနေနဲ့ ယူနိုက်တက်ထံ ပြောင်းရွှေ့သင့်ကြောင်း တိုက်တွန်း ပြောကြားလိုက်ပါတယ်။

ဒီရာသီ စီးရီးအေ မှာရော၊ ချန်ပီယံလိဂ် မှာပါ ခြေစွမ်းပြနေတဲ့ အိုဆင်ဟန်ကို ခေါ်ယူဖို့ အတွက် ယူနိုက်တက်က စိတ်ဝင်စားနေပြီး လာမယ့် နွေရာသီ အပြောင်းအရွှေ့မှာ ချဲလ်ဆီးနဲ့ အပြိုင် ကမ်းလှမ်းလာဖွယ် ရှိပါတယ်။

အီဂါလိုက ယူနိုက်တက်က အိုဆင်မ်ဟန် အတွက် ကိုက်ညီတဲ့ အသင်း ဖြစ်ကြောင်း၊ သူက ငယ်ရွယ်ပြီး ဂိုးလည်း သွင်းနိုင်ကြောင်း၊ ရက်ရှ်ဖို့ဒ်နဲ့သာ တွဲပေးလိုက်ရင် ပြိုင်ဘက် နောက်ခံလူတိုင်း အတွက် အိပ်မက်ဆိုး ဖြစ်လာနိုင်ကြောင်း၊ ဘာကြောင့်လဲ ဆိုတော့ နှစ်ယောက်လုံးက ဂိုးသွင်းကောင်းတဲ့ ကစားသမားတွေ ဖြစ်ကြောင်း ပြောကြားခဲ့ပါတယ်။

ဆက်လက်ပြီးတော့လည်း အိုဆင်မ်ဟန်သာ ကျွန်တော့်ဆီက အကြံဥာဏ် တောင်းလာခဲ့ရင် ယူနိုက်တက်ကို ပြောင်းရွှေ့ဖို့ အကြံပေးသွားမှာ ဖြစ်ကြောင်း၊ ဘာကြောင့်လဲ ဆိုတော့ ယူနိုက်တက်က ကမ္ဘာပေါ်မှာ အကြီးမားဆုံး အသင်း မို့လို့ ဖြစ်ကြောင်း အီဂါလိုက ထပ်လောင်း ပြောကြားခဲ့ပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.