စက်တင်ဘာ ၂၀ ရက်နေ့ မနက်ခင်း အထိ နောက်ဆုံး ရရှိထားသမျှ ပရီးမီးယားလိဂ် သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
ရော်နယ်ဒိုရဲ့ စံချိန်ကို ကျော်ဖြတ်ခဲ့တဲ့ မက်ဆီ
ပီအက်စ်ဂျီ တိုက်စစ်မှူး လီယွန်နယ် မက်ဆီ ကတော့ ပရီးမီးယားလိဂ် ကလပ် မန်ချက်စတာယူနိုက်တက် တိုက်စစ်မှူး ခရစ္စတီယာနို ရော်နယ်ဒိုရဲ့ စံချိန်တခုကို ကျော်ဖြတ်ခဲ့ပြန်ပါပြီ။ လိုင်ယွန်နဲ့ ကစားခဲ့တဲ့ပွဲမှာ မက်ဆီက တလုံးတည်းသော အနိုင်ဂိုးကို သွင်းယူပေးခဲ့ပြီးနောက် ပင်နယ်တီ သွင်းဂိုး မပါဘဲ ၆၇၂ ဂိုး အထိ သွင်းယူနိုင်ခဲ့ပြီ ဖြစ်ကာ ရော်နယ်ဒိုရဲ့ ၆၇၁ ဂိုး စံချိန်ကို ကျော်ဖြတ်ခဲ့တာ ဖြစ်ပါတယ်။
ပွဲကစားချိန် ၅ မိနစ် မှာပဲ မက်ဆီဟာ နေမာရဲ့ ဖန်တီးပေးမှု ကနေ ဂိုးသွင်းယူနိုင်ခဲ့တာ ဖြစ်ပါတယ်။ ဒီရာသီမှာ ပုံမှန်ခြေစွမ်းပြသနေပြီး လီဂူး ၈ ပွဲကစား အပြီးမှာ ၄ ဂိုးသွင်း၊ ၇ ကြိမ် ဖန်တီးပေးထားတဲ့ မက်ဆီက အကောင်းဆုံး ကစားသမားဆုကိုလည်း ရရှိခဲ့ပြီး နောက်ဆုံး လေးပွဲ ဆက်တိုက် ဆွတ်ခူးနိုင်ခဲ့ကာ သူ့ရဲ့ခြေစွမ်း ဘယ်လောက်ထိ မြင့်မားနေလဲဆိုတာ ကိုပါ ပြသနေခဲ့ပါတယ်။
ရော်နယ်ဒို ကတော့ ဒီရာသီမှာ သွင်းဂိုး တစ်ဂိုးတည်းသာ ရရှိထားသေးပြီး မောလ်ဒိုဗာ ကလပ်ရှာရစ်ဖ်နဲ့ ကစားခဲ့တဲ့ ယူရိုပါလိဂ်ပွဲမှာ ပင်နယ်တီက တဆင့် သွင်းယူထားခဲ့တာ ဖြစ်ပါတယ်။ အသက် ၃၇ နှစ် အရွယ် ပေါ်တူဂီ တိုက်စစ်မှူးဟာ ယူနိုက်တက်မှာ ပုံမှန် ကစားခွင့် ရဖို့လည်း ရုန်းကန်နေရပြီး ကစားသမား ဘ၀ နောက်ဆုံး အချိန်ကာလ အပိုင်းအခြား ကာလတွေကို ခက်ခက်ခဲခဲ ကျော်ဖြတ်နေရတာလည်း ဖြစ်ပါတယ်။
အာဆင်နယ် အတွက် ပွဲရလဒ်ကို ပြောင်းလဲပေးနိုင်သူလို့ ဂျေဆုစ်ကို အလန်ရှီးယား ချီးကျူး
ဘရန်ဖို့ဒ်ကို အာဆင်နယ်က ၃ ဂိုးပြတ်နဲ့ အနိုင်ရရှိခဲ့တဲ့ အင်္ဂလန် ပရီးမီးယားလိဂ် ပွဲစဉ်မှာ အာဆင်နယ် တိုက်စစ်မှူး ဂါဘရီရယ် ဂျေဆုစ်က အနိုင်ဂိုး တစ်ဂိုး သွင်းယူနိုင်ခဲ့ပါတယ်။ သွင်းဂိုး ကတော့ ဂျေဆုစ် အတွက် ဒီရာသီမှာ လိဂ်ဂိုး ၄ ဂိုး မြောက်ဂိုးကို သွင်းယူနိုင်ခဲ့တာ ဖြစ်ပြီး ဖန်တီးမှု ၃ ကြိမ်လည်း ပြုလုပ်ပေးထားနိုင်ခဲ့ကာ မန်ချက်စတာစီးတီး ကနေ အာဆင်နယ်ကို ပြောင်းရွှေ့လာပြီးနောက် အထူး ခြေစွမ်းပြသနေတာလည်း ဖြစ်ပါတယ်။
ဒီနိုင်ပွဲနဲ့ အတူ အာဆင်နယ်က အဆင့် တစ်နေရာကို ပြန်လည် ရယူနိုင်ခဲ့ပြီး မန်စီးတီး ကတော့ အဆင့် ၂ နေရာကို ရောက်ရှိသွားခဲ့ပါတယ်။ အာဆင်နယ် အတွက် ဆာလီဘာ၊ ဗီအဲရာ တို့ကလည်း တဂိုးစီ သွင်းယူပေးခဲ့ကြပြီး အိမ်ကွင်း ဆိုရင် ကစားပုံကောင်းတဲ့ ဘရန်ဖို့ဒ်ကို ဂိုးပြတ် အနိုင်ယူခဲ့ကာ ပြီးခဲ့တဲ့ ရာသီက ရှုံးကြွေးကို ပြန်ဆပ်နိုင်ခဲ့လို့ ချိုမြိန်တဲ့ နိုင်ပွဲ တစ်ပွဲ ဖြစ်ခဲ့ပါတယ်။
အင်္ဂလန် နာမည်ကျော် တိုက်စစ်မှူးဟောင်းကြီး အလန်ရှီးယားက ဂျေဆုစ်ကို “ အာဆင်နယ်ကို သူရောက်လာပြီး ကတည်းက အံ့မခန်း ခြေစွမ်းတွေ ပြသနေတာပါ၊ ဒီရာသီမှာ သူ့ထက် ပိုပြီး သွင်းဂိုး ပါဝင် ပတ်သက်ထားတာက ၁၁ ဂိုး သွင်းထားတဲ့ အာလင်းဟာလန်း တစ်ဦးတည်း ရှိပါတယ်၊ ဘရန်ဖို့ဒ်နဲ့ ပွဲမှာ ချာကာရဲ့ တိုးတက်မှုကိုလည်း တွေ့ခဲ့ရတယ်၊ ဒါပေမယ့် ပွဲကို အဆုံးအဖြတ်ပေးနိုင်သူ၊ အလှည့်အပြောင်း ဖြစ်စေသူက ဂျေဆုစ်ပါ၊ သူ့ရဲ့ ရွေ့လျားပုံတွေက အသင်းကို အခွင့်အရေးတွေ ရစေခဲ့တာပါ” လို့ ချီးကျူးခဲ့ပါတယ်။
ရှက်တာဒိုးနတ် နည်းပြဟောင်းကို နည်းပြသစ် အဖြစ် ဘရိုက်တန် ခန့်အပ်
နည်းပြ ဂရေဟမ် ပေါ်တာက ချဲလ်ဆီး နည်းပြသစ် အဖြစ် တာဝန်ယူဖို့ အတွက် ထွက်ခွာသွားတာကြောင့် ပရီးမီးယားလိဂ် ကလပ် ဘရိုက်တန် အသင်းဟာ နည်းပြသစ် အဖြစ် ရှက်တာဒိုးနတ် နည်းပြဟောင်း ရောဘတ်တို ဒီဇာဘီကို ခန့်အပ်လိုက်ပြီဖြစ်ပါတယ်။ အသက် ၄၃ နှစ် အရွယ် အီတလီလူမျိုး နည်းပြဟာ ဘရိုက်တန်နဲ့ လေးနှစ် စာချုပ်ချုပ်ဆိုခဲ့ပြီး နိုင်ငံတကာပွဲတွေ ကစားဖို့ ရှိနေချိန်မှာ အသင်းနဲ့ အတူ ပူးပေါင်းတော့မှာဖြစ်ပါတယ်။
ဇာဘီကို ခေါ်ယူဖို့ အတွက် စီးရီးအေမှာ အခြေအနေ ဆိုးရွားနေတဲ့ ဂျူဗင်တပ်စ် ကလည်း ကြိုးစားခဲ့တယ်လို့ သိရပါတယ်။ ဂျူဗီ ကတော့ ဒီရာသီမှာ ၂ ပွဲတည်းသာ အနိုင်ရရှိထားပြီး နည်းပြ အယ်လီဂရီကို ရာထူးက ထုတ်ပယ်ဖို့ သတင်းတွေ ထွက်နေပါတယ်။ ဘရိုက်တန်က ဇာဘီကို ကြားဖြတ် ခေါ်ယူခဲ့တာလို့လည်း သိရကာ ဂျူဗီအတွက်တော့ ဒီတကြိမ်မှာ နောက်ဆုတ်ပေးခဲ့ရတာဖြစ်ပါတယ်။ ဇာဘီဟာ ရှက်တာဒိုးနတ်ကို တာဝန်ယူခဲ့ပြီး ဇူလိုင်လကမှ အသင်းနဲ့ လမ်းခွဲခဲ့တာ ဖြစ်ပါတယ်။ ယူကရိန်း စူပါဖလားကို ရယူပေးနိုင်ခဲ့ပြီး ပွဲပေါင်း ၃၀ ကိုင်တွယ်ခဲ့ရာမှာ ပွဲပေါင်း ၂၀ အထိ အနိုင်ရအောင် စွမ်းဆောင်ပေးခဲ့လို့ အရည်အသွေး မနိမ့်ကျသူလို့ ပြောလို့ ရပါတယ်။ ဒါ့အပြင် စီးရီးအေ ကလပ် ဆာဆူအိုလို ကိုလည်း တာဝန်ယူခဲ့ဖူးပြီး သ့လက်ထက်မှာ ဆာဆူအိုလိုက စီးရီးအေရဲ့ အလယ်အလတ် အသင်း အဖြစ် ရပ်တည်နိုင်ခဲ့ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
