ဇူလိုင်လ ၃၁ ရက်နေ့ နံနက်ခင်း အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
မနေ့ညက ကစားခဲ့တဲ့ ဂျာမန် စူပါဖလား ပွဲစဥ် မှာတော့ ဘွန်ဒက်စ်လီဂါ ချန်ပီယံ ဘေယန်မြူးနစ်က ပိုကယ်ဖလား ချန်ပီယံ လိုက်ပ်ဇစ်ကို ၃-၅ ရလဒ်နဲ့ အနိုင်ရပြီး ဗိုလ်စွဲသွားခဲ့ပါတယ်။ ဒီပွဲမှာ ဘေယန်မြူးနစ် အတွက် ဆာဒီယို မာနေး၊ မူလာ၊ အယ်လ်ဖွန်ဆို ဒေးဗီးစ်၊ ဂနာဘရီ၊ ကင်မစ်ချ်၊ အူပါမီကာနို၊ နော်အာ ပါဝင်ကစားခဲ့ပါတယ်။
မာနေးက ဒီပွဲမှာ ပွဲဦးထွက်ဂိုး သွင်းယူနိုင်ခဲ့သလို မူစီရာလာ၊ ပါဗက်၊ နာဘရီ၊ ဆာနေးတို့ ကလည်း ဘွန်ဒက်စ်လီဂါ ချန်ပီယံ အတွက် ဂိုးတွေ အသီးသီး သွင်းယူပေးခဲ့ပါတယ်။
လိုက်ပ်ဇစ် အတွက် ဂိုးတွေ ကိုတော့ ဟယ်စတန်ဘတ်၊ အန်ကွန်ကူနဲ့ ဒန်နီ အော်လမို တို့က သွင်းယူပေးခဲ့ပါတယ်။
ဘွန်ဒက်စ်လီဂါ အသင်း တချို့ ဂျာမန်ပိုကယ်ဖလား ကနေ စောစောစီးစီး ထွက်ခွာခဲ့ရ
မနေ့ညက ကစားခဲ့တဲ့ ဂျာမန် ပိုကယ်ဖလားပွဲစဥ်တွေမှာတော့ လေဗာကူဆင်က အယ်လ်ဗာစဘတ်ကို ၄-၃ ဂိုးနဲ့ရှုံးနိမ့်ပြီး ပြိုင်ပွဲကထွက်ခဲ့ရပါတယ်။ လေဗာကူဆင်ကို နောက်တဆင့်တက်မယ်လို့ အားလုံးက ယူဆခဲ့ပေမယ့် အခုလိုပဲ အံ့အားသင့်ဖွယ် ရှုံးနိမ့်ခဲ့တာပါ။
နောက်ထပ် ဘွန်ဒက်စ်လီဂါ အသင်း တသင်း ဖြစ်တဲ့ ကိုလုံး ကလည်း ပင်နယ်တီ အဆုံးအဖြတ်နဲ့ ရီဂန်ဘတ်ကို ရှုံးနိမ့်ကာ ပြိုင်ပွဲ ကနေ ထွက်ခဲ့ရပါတယ်။ ဝုဖ်ဘတ်က ဂျီနာကို ၀-၁၊ စတုဂတ်က ဂရေသာဖတ်ကို ၂-၀၊ ဘိုချမ်က ဗစ်တိုးရီးယား ဘာလင်ကို ၀-၃ တွေနဲ့ အနိုင်ရရှိပြီး အသီးသီး နောက်တဆင့် တက်ခဲ့ကြပါတယ်။
ချဲလ်ဆီးက ကမ်းလှမ်းရင် လက်ခံသွားမယ့် ဘေယန်မြူးနစ် နောက်ခံလူ
ဘွန်ဒက်စ်လီဂါ ထိပ်သီး ဘေယန်မြူးနစ် နောက်ခံလူ ဘင်ဂျမင် ပါဗက်ဟာ ချဲလ်ဆီးသာ အမှန်တကယ် ကမ်းလှမ်းလာမယ် ဆိုရင် ပြောင်းရွှေ့မယ်လို့ အသိပေးထားကြောင်း သတင်းတွေက ဖော်ပြခဲ့ပါတယ်။ ဂျာမန် လက်ရွေးစင်ကို ဘေယန်မြူးနစ် ကလည်း ထွက်ခွာဖို့ လမ်းဖွင့်ထားပါတယ်။
အသက် ၂၆ နှစ်အရွယ် ပါဗက်ကို ခေါ်ယူဖို့ ချဲလ်ဆီးက စိတ်ဝင်စားနေပြီး ကွန်ဒေးကို မခေါ်ယူနိုင်ခဲ့တဲ့နောက် ပါဗက်ကို ပြောင်းလဲ ကြိုးစားလာဖွယ် ရှိပါတယ်။ ဂျာမန် ဘွန်ဒက်စ်လီဂါ ကလပ် ဘေယန်မြူးနစ် ကတော့ ကစားသမား အတွက် ပေါင်သန်း ၃၀ ဝန်းကျင် တောင်းဆိုသွားဖွယ် ရှိပါတယ်။
ဒါ့အပြင် ချဲလ်ဆီးဟာ လက်စတာစီးတီး နောက်ခံလူ ဝက်စ်လေ ဖိုဖာနာကို ခေါ်ယူဖို့လည်း သတင်းထွက်ခဲ့ပေမယ့် လက်စတာဘက်က ပြောင်းရွှေ့ကြေး ပေါင်သန်း ၇၀ အထိ လိုချင်နေတာကြောင့် ပါဗက် ကိုပဲ အားစိုက် ကြိုးပမ်းသွားဖွယ် ရှိပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
