အိမ်ရှင် ကိုပဲ ရွေးချယ်ထားသင့်တဲ့ ပွဲ | နော့ဝှစ်ချ်စီးတီး – ဘရန့်ဖို့ဒ် (ပရီးမီးယားလိဂ် ပွဲကြိုသုံးသပ်ချက်)

နော့ဝှစ်ချ်စီးတီး – ဘရန့်ဖို့ဒ်

လက်တလော ပရီးမီးယားလိဂ်မှာ ရုန်းကန်နေရတဲ့ နော့ဝှစ်ချ်စီးတီးနဲ့ ဘရန့်ဖို့ဒ်တို့ရဲ့ တွေ့ဆုံမှု ကလည်း ပြိုင်ဆိုင်မှု ပြင်းထန်တဲ့ ပွဲကောင်းတစ်ပွဲ ဖြစ်လာဖို့ ရှိနေပါတယ်။ တန်းဆင်းဇုန် ဖိအားကိုယ်စီ ရှိနေကြတဲ့ အသင်းတွေ ဖြစ်ပြီး ဘယ်အသင်းက ရလဒ်ဆိုးတွေ အောက်ကနေ ရုန်းထနိုင်မလဲ ဆိုတာ စောင့်ကြည့်ရမှာ ဖြစ်ပါတယ်။

နော့ဝှစ်ချ်စီးတီးတို့ နည်းပြ ဒင်းန်စမစ် လက်အောက်မှာ ခြေစွမ်းပိုင်း တက်လာခဲ့တယ် ဆိုပေမယ့် ရလဒ်ပိုင်း ကတော့ အားရစရာ အခြေအနေမှာ ရှိမနေသေးပါဘူး။ ပြီးခဲ့တဲ့ ဇန်နဝါရီ လဆန်းပိုင်းမှာ ပရီးမီးယားလိဂ် အပါအဝင် ပြိုင်ပွဲစုံ ၃ ပွဲဆက် အနိုင်ရခဲ့ပြီးမှ ၅ ပွဲဆက် နိုင်ပွဲ ပြန်လည် ပျောက်ဆုံးခဲ့လို့ တန်းဆင်းဇုန်ထဲမှာ ပြန်လည် ရုန်းကန်နေခဲ့ရပါတယ်။ ပရီးမီးယားလိဂ် အမှတ်ပေးဇယား အောက်ဆုံးမှာ ရပ်တည်နေတဲ့ နော့ဝှစ်ချ်စီးတီးဟာ ရာသီအကုန်မှာ တန်းဆင်းရဖို့ တစ်ပေးခြင်း ခံထားရပေမယ့် အဆင့် ၁၇ နေရာက အဲဗာတန်နဲ့ ၅ မှတ်သာ ကွာဟနေလို့ မျှော်လင့်ချက်တော့ အပြည့် ရှိနေဆဲ ဖြစ်ပါတယ်။ ဒင်းန်စမစ်ရဲ့ အသင်းဟာ ၄-၃-၃ ကစားကွက်နဲ့ အတူ လစ်ဗာပူးလ်၊ မန်စီးတီး တို့လို အသင်းတွေ ကိုတောင် တန်ပြန် ကစားနိုင်စွမ်း ရှိခဲ့ပေမယ့် အဆုံးသတ် အားနည်းသလို ပွဲချိန်ကြာလာတာနဲ့ အမျှ ကစားအား သိသိသာသာ ကျသွားတတ်လို့ ရလဒ်တွေ ဆိုးရွားနေတာ ဖြစ်ပါတယ်။ အဓိက ကတော့ အရန်အင်အား မတောင့်တင်းမှုကြောင့် ဖြစ်ပါတယ်။ အသင်းရဲ့ ခြေစွမ်းပြ လူငယ် တိုက်စစ်မှူး အီဒါ့ရ် ရာသီအကုန်ထိ အနားယူခဲ့ရတာ ကလည်း နော့ဝှစ်ချ်စီးတီး အတွက် စိတ်ပျက်စရာ ဖြစ်ခဲ့ပြီး အခု ပွဲကိုလည်း ဒီကစားသမား အပါအဝင် အိုမိုဘမ်မီဒယ်လီနဲ့ ကာဘက်ခ် တို့လည်း လွဲချော်ဖို့ ရှိနေတယ်လို့ သိရပါတယ်။ ပွဲထွက်လူစာရင်း မှာတော့ ပွတ်ကီ၊ ဆားဂျန့်တ်၊ ရက်ရှီကာ၊ နော်မန်၊ ဂေးလ်မော၊ မက်လင်းန်၊ ဟန်လီ၊ ဂစ်ဘ်ဆင်၊ ဝီလီယမ်စ်၊ အာရွန်စ်၊ ဂန်းတို့ ပါဝင်လာဖို့ ရှိနေပါတယ်။

နှစ်ပေါင်းများစွာ အကြာမှာ ပရီးမီးယားလိဂ် ကို ပြန်ရောက်လာခဲ့တဲ့ ဘရန့်ဖို့ဒ်တို့ ရာသီအစမှာ ဟုတ်မလိုလို ရှိခဲ့ပေမယ့် လက်ရှိ မှာတော့ အသင်းငယ်တွေရဲ့ ထုံးစံ အတိုင်း ရုန်းကန်နေရပါပြီ။ ဘရန့်ဖို့ဒ်တို့ ပရီးမီးယားလိဂ် အပါအဝင် ပြိုင်ပွဲစုံမှာ နိုင်ပွဲ ပျောက်ဆုံးနေခဲ့တာ ၉ ပွဲအထိ ရှိလာခဲ့ပြီး ပရီးမီးယားလိဂ် နောက်ဆုံး ၈ ပွဲမှာလည်း ခရစ္စတယ်ပဲလေ့စ် တစ်သင်းတည်းကို သရေ ကစားထားနိုင်ခဲ့သလို ကျန် ၇ ပွဲစလုံး ရှုံးနိမ့်ထားခဲ့ပါတယ်။ အဆင့် ၁၈ နေရာက ဘန်လေနဲ့ ၃ မှတ်သာ ကွာဟနေခဲ့လို့ တန်းဆင်းဇုန် ဖိအားလည်း ရှိနေခဲ့ပြီလို့ ပြောလို့ ရပါတယ်။ ဒါ့အပြင် အဝေးကွင်း နောက်ဆုံး ၉ ပွဲမှာ ရမှတ် ၂ မှတ်သာ ရှာဖွေထားနိုင်လို့ အဝေးကွင်း ခြေစွမ်း ကလည်း အဆိုးဆုံး အခြေအနေကို ရောက်နေပါတယ်။ အခုလာမယ့် ပွဲမှာ တိုက်စစ်က အိုင်ဗန် တိုနေး ပြန်လည် ပါဝင်လာဖို့ ရှိနေတာက သောမက်စ် ဖရန့်ခ် အတွက် ဝမ်းသာစရာ ဖြစ်ပြီး ပွဲပယ် ပြစ်ဒဏ်ထိထားတဲ့ ဒါဆေးလ်ဗား၊ ဂျင်းန်ဗီယာနဲ့ ဖိုဆို ဟင်နရီ တို့ကတော့ ကျိန်းသေပေါက် လွဲချော်မှာ ဖြစ်ပါတယ်။ ဖြစ်နိုင်ဖွယ် လူစာရင်း အရ ဆိုရင်တော့ ၃-၅-၂ အခင်းအကျင်းမှာ ရာယာ၊ ဂျန်ဆန်၊ အေယား၊ ပင်နော့ခ်၊ ဟင်နရီ၊ ဂျနဲလ်တ်၊ နော့ဂတ်၊ ဘက်တစ်စတီ၊ ကေးနော့စ်၊ အမ်ဘူအမ်မို၊ တိုနေး တို့ ပါဝင်လာဖွယ် ရှိနေပါတယ်။

ထိပ်တိုက်တွေ့ဆုံမှုနဲ့ သမိုင်းကြောင်း

ဒီနှစ်သင်းရဲ့ နောက်ဆုံး တွေ့ဆုံမှု ၁၄ ကြိမ်မှာ နော့ဝှစ်ချ်စီးတီးတို့ ၈ ကြိမ်အထိ အနိုင်ရခဲ့ပြီး ဘရန့်ဖို့ဒ်က ၃ ကြိမ်နိုင်၊ ၃ ကြိမ် သရေရလဒ် ထွက်ပေါ်ထားခဲ့ပါတယ်။ ဒီရာသီ ပရီးမီးယားလိဂ် ပထမအကျော့ ထိပ်တိုက်တွေ့ဆုံမှု မှာလည်း နော့ဝှစ်ချ်စီးတီးတို့ နော်မန်၊ ပွတ်ကီတို့ရဲ့ သွင်းဂိုးတွေနဲ့ ဘရန့်ဖို့ဒ် အိမ်ကွင်းမှာ ၁-၂ ရလဒ်နဲ့ အနိုင်ရထားခဲ့ပါတယ်။

လောင်းကစားဆိုင်ရာ အကြံပြုချက်များ

SBOTOP 1X2 မှာတော့ အိမ်ရှင် နော့ဝှစ်ချ်စီးတီး အတွက် ၂.၉၀ ဆ၊ သရေ အတွက် ၃.၁၀ ဆ၊ ဘရန့်ဖို့ဒ် အတွက် ၂.၅၀ ဆ ကြေးဖွင့်ပေးထားပါတယ်။ ရလဒ်ဆိုးတွေ အောက်မှာ ရုန်းကန်နေရပြီး တန်းဆင်းဇုန် ဖိအား ကိုယ်စီရှိနေတဲ့ အသင်းတွေ ဖြစ်လို့ ရုန်းအားအပြည့်နဲ့ ကစားလာမှာ သေချာပါတယ်။ လက်ရှိ ခြေစွမ်းပိုင်းအရ ခန့်မှန်းရခက်ပေမယ့် စုဖွဲ့မှုနဲ့ စိတ်ဓာတ်ပိုင်းမှာ နော့ဝှစ်ချ်စီးတီး တို့ အနည်းငယ် ပိုပြီး သာနေတယ်လို့ ပြောလို့ ရပါတယ်။ ဒါကြောင့် အစဉ်အလာ အတိုင်းပဲ နော့ဝှစ်ချ်တို့ ဘရန့်ဖို့ဒ်ကို အသာရသွားဖို့ များပါတယ်။ ဂိုးပြတ်ဖို့တော့ မရှိပဲ အိမ်ရှင်တို့ ကျဉ်းမြောင်းတဲ့ ရလဒ်နဲ့ အနိုင်ရသွားမယ် ထင်ပါတယ်။

ခန့်မှန်းရလဒ် (၂-၁)

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.