ဝုဗ်ဗာဟမ်တန်ဝမ်းဒါးရားစ် ၁ – ၀ ဝက်စ်ဟမ်း ယူနိုက်တက်
မနေ့ညက ယှဉ်ပြိုင် ကစားခဲ့ကြတဲ့ ဝုဗ်နဲ့ ဝက်စ်ဟမ်းတို့ရဲ့ ပရီးမီးယားလိဂ် တွေ့ဆုံပွဲ ကတော့ အကြိတ်အနယ် ရှိခဲ့ပြီး ပရိသတ်တွေ အကြိုက် ပွဲကောင်း တစ်ပွဲ ဖြစ်ခဲ့ပါတယ်။ အိမ်ရှင် ဝုဗ်ရဲ့ ပုံစံကောင်းကြောင့် ဝက်စ်ဟမ်းတို့ ထင်သလောက် အလုပ်မဖြစ်ခဲ့ပါဘူး။ အထူးသဖြင့် ရလဒ်ကောင်း ရနေတဲ့ ဝက်စ်ဟမ်းကို အိမ်ရှင်တို့ ခက်ခက်ခဲခဲ ရင်ဆိုင်ခဲ့ရတာလည်း ဖြစ်ပါတယ်။ အပြန်အလှန် သွင်းဂိုးတွေ မျှော်လင့်ခဲ့ကြပေမယ့် တကယ်တမ်း မှာတော့ ဝက်စ်ဟမ်းရဲ့ တိုက်စစ်ပိုင်းက လိုအပ်ချက် မြင့်မားခဲ့တယ်လို့ပဲ ဆိုရမှာပါ။ အိမ်ရှင် အသင်း အတွက်တော့ တကယ်ကို ထိုက်တန်တဲ့ နိုင်ပွဲတစ်ပွဲ ဖြစ်ခဲ့တယ်လို့ပဲ ဆိုရမှာပါ။
ပွဲစဉ်အကျဉ်း
နှစ်သင်းလုံး အတွက် အရေးပါဆုံး ပွဲစဉ်တစ်ပွဲ ဖြစ်ခဲ့ပါတယ်။ အထူးသဖြင့် ရလဒ်ကောင်း ရနေတဲ့ ဝက်စ်ဟမ်းကို အိမ်ကွင်းမှာ လက်ခံ ကစားခဲ့ရတဲ့ ဝုဗ်ဗာဟမ်တန်အတွက် ကတော့ ထိုက်တန်တဲ့ နိုင်ပွဲတစ်ပွဲပါ။ ဘာမဆို ဖြစ်လာနိုင်တဲ့ အခြေအနေမှာ ဝက်စ်ဟမ်းတို့ လိုအပ်ချက် အနည်းငယ်ကြောင့် ပေးဆပ်မှု ကြီးမားခဲ့တာလည်း ဖြစ်ပါတယ်။ ဟီချန်ဟွမ်၊ ဂျီမီနက်ဇ်၊ နီဗက်စ်၊ မော်တင်ဟို၊ ကိုအာဒီတို့ ပါဝင်လာတဲ့ ဝုဗ်ဗာဟမ်တန်ရဲ့ ၃-၄-၂-၁ ပုံစံက တော်တော်လေး အလုပ်ဖြစ်ခဲ့ပါတယ်။ ပုံစံကောင်း ရနေတဲ့ ဝက်စ်ဟမ်း ကတော့ ၄-၂-၃-၁ အခြေခံပြီး အန်တိုနီယို၊ ဖော်လ်နယ်၊ ဘိုဝမ်၊ ဇူးမား၊ ဒစ်ကလန်ရွိုက်စ် တို့နဲ့ လူစုံခဲ့ပါတယ်။ပွဲအစကတည်းက တိုက်စစ်ပိုင်း အသားပေး ကစားခဲ့တဲ့ အတွက် အပြန်အလှန် တိုက်စစ်ဆင်မှုတွေ နဲ့အတူ အကြိတ်အနယ် ရှိခဲ့ပါတယ်။ ဂိုးရနိုင်လောက်တဲ့ အခြေအနေတွေ ကိုယ်စီ ပိုင်ဆိုင်ခဲ့ကြပေမယ့် အခွင့်အရေးတွေ အသုံးမချ နိုင်ခဲ့လို့ ဂိုးရဖို့ ရုန်းကန်ခဲ့ရပါတယ်။ ဒုတိယပိုင်းရောက်မှသာ ကစားအား ပိုကောင်းလာတဲ့ အိမ်ရှင် အသင်းကြောင့် ဝက်စ်ဟမ်းတို့ ဖိအားတွေ ရှိလာခဲ့ပါတယ်။ အထူးသဖြင့် ဝုဗ်ဗာဟမ်တန်ရဲ့ တောင်ပံ တိုက်စစ်တွေကို ခက်ခက်ခဲခဲ ထိန်းချုပ်ခဲ့ရတာလည်း ဖြစ်ပါတယ်။ ပိုဒန့်စ်ရဲ့ ကန်ချက်၊ နီဗက်စ်ရဲ့ ကန်ချက်တွေက ဂိုးရဖို့ တော်တော်လေးကို နီးစပ်ခဲ့တာပါ။ ပွဲချိန် ၅၈ မိနစ် အရောက်မှာတော့ အိမ်ရှင်အသင်း ဦးဆောင်ဂိုး စပြီး ရသွားခဲ့ပါတယ်။ ပိုဒန့်ရဲ့ ဖန်တီး ပေးပို့မှုကို ၁၈ ကိုက် စည်းထိပ်ကနေ အသေချာဆုံး အဆုံးသတ်ခဲ့တဲ့ ဂျီမီနက်ဇ်ရဲ့ ကန်ချက်က တော်တော်လေး သေသပ်ခဲ့တာပါ။ ဂိုးပေးလိုက်ရ ပြီးတဲ့နောက် ဝက်စ်ဟမ်းတို့ ပိုပြီး ဖိအား ဝင်လာခဲ့သလို ချေပဂိုး ပြန်ရဖို့ အတွက် ပိုပြီး အားစိုက်လာခဲ့ပါတယ်။ ဘိုဝမ်၊ အန်တိုနီယို အတွဲကနေ ချေပဂိုးရဖို့ နီးစပ်ခဲ့ပေမယ့် ဝုဗ်ဗာဟမ်တန်တို့ အမှားနည်းခဲ့တဲ့ အတွက် ဂိုးမပေးခဲ့ရပါဘူး။ နောက်ပိုင်း ပွဲချိန်တွေမှာ ဂိုးရလုနီးပါး အခြေအနေတွေကို ပိုင်ဆိုင်ခဲ့ပေမယ့် ဘိုဝမ်၊ အန်တိုနီယိုတို့ အသုံးမချနိုင်ခဲ့လို့ ပွဲအပြီးမှာ အရှုံးရလဒ်နဲ့ရင်ဆိုင်ခဲ့ရပါတယ်။
ပွဲပြီးသုံးသပ်ချက်
အိမ်ကွင်း ကစားအားကောင်းတဲ့ ဝုဗ်ဗာဟမ်တန် အတွက် တကယ်ကို ထိုက်တန်တဲ့ နိုင်ပွဲ ဖြစ်ခဲ့ပါတယ်။ ဝက်စ်ဟမ်း အတွက် ကတော့ ပေါ့ဆမှု နဲ့အတူ ပေးဆပ်မှု ကြီးမားခဲ့တာပါ။ လီဗာပူးလို အသင်းမျိုးကို အနိုင်ကစားထားတဲ့ ဝက်စ်ဟမ်း အတွက် ကတော့ မထင်မှတ်ထားတဲ့ အခြေအနေမှာ ရမှတ် ဆုံးရှုံးခဲ့ရတာလည်း ဖြစ်ပါတယ်။ ကစားသမား အင်အားပိုင်း အရ သိပ်မကွာဘူး ဆိုပေမယ့် အိမ်ကွင်းဆိုတဲ့ အချက်တစ်ခုတည်းနဲ့တင် ဝုဗ်တို့ အနည်းငယ် အသာရခဲ့ပါတယ်။ နည်းပြ နှစ်ဦးရဲ့ ဗျူဟာပိုင်းနဲ့ ပွဲအပေါ် ချဉ်းကပ်မှုက အဓိကအက္ခရာ ဆိုပေမယ့် ကံတရား ကတော့ အိမ်ရှင် အသင်းဘက်ကို မျက်နှာသာပေးခဲ့ပါတယ်။ ဝက်စ်ဟမ်းတို့ အရေးနိမ့်ခဲ့တဲ့ အတွက် ပရီးမီးယားလိဂ် အဆင့် ၃ နေရာက ပြန်ဆင်းပေးခဲ့ရ သလို ထိပ်ပိုင်း အသင်း ၃ သင်းနဲ့ အမှတ်ကွာဟမှု ကြီးမားသွားခဲ့ပါတယ်။
လာမယ့်ပွဲစဉ်များ
ဝုဗ် အနေနဲ့ လာမယ့် ပရီးမီးယားလိဂ် ပွဲစဉ်မှာ နော့ဝစ်ချ်ရဲ့ အိမ်ကွင်းမှာ သွားရောက် ယှဉ်ပြိုင်ရဖို့ ရှိနေပြီး ဝက်စ်ဟမ်း ကတော့ ကြားရက် ကာလမှာ ယူရိုပါလိဂ် ပွဲစဉ်အဖြစ် ရက်ပစ်ဝီယင် အသင်းနဲ့ ရင်ဆိုင် ကစားရမှာလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
