အင်္ဂလန် – ဂျာမနီ
ယူရို ၂၀၂၀ ရှုံးထွက်အဆင့်ရဲ့ အကောင်းဆုံး ပွဲစဉ် ၂ ပွဲထဲက နောက်ထပ်တစ်ပွဲ အဖြစ် အင်္ဂလန်နဲ့ ဂျာမနီတို့ မနက်ဖြန် ညမှာ ယှဉ်ပြိုင်ကစားကြမှာ ဖြစ်ပါတယ်။ ဒီနှစ်သင်းဟာ သမိုင်းတစ်လျှောက် ပြိုင်ပွဲစုံ ၃၂ ကြိမ် အထိ ထိပ်တိုက် တွေ့ဆုံထားခဲ့ပြီး အစဉ်အလာ ပြိုင်ဘက်တွေလို့ ပြောလို့ ရပေမယ့် အဓိက ပြိုင်ပွဲကြီးတွေရဲ့ နောက်ဆုံး အဆင့် ပွဲစဉ်တွေ မှာတော့ ဂျာမနီတို့ပဲ အပြတ်အသတ် အသာရခဲ့တာ တွေ့ရပါတယ်။
အစဉ်အလာ ပြိုင်ဘက်တွေ ဖြစ်တဲ့ အင်္ဂလန်နဲ့ ဂျာမနီတို့ ယူရို ၂၀၂၀ ရှုံးထွက် အဆင့်မှာ စောစောစီးစီး တွေ့ဆုံနေခဲ့လို့ ပေါ်တူဂီနဲ့ ဘယ်ဂျီယံ ပွဲပြီးရင် နှမြောစရာကောင်းတဲ့ နောက်ထပ် ပွဲစဉ် တစ်ပွဲ ဆိုလည်း မမှားပါဘူး။ အင်္ဂလန်တို့ ပြီးခဲ့တဲ့ အုပ်စု နောက်ဆုံး ပွဲစဉ်မှာ အနိုင်မရခဲ့ရင် တစ်ဖက်က ပြင်သစ်၊ ခရိုအေးရှား၊ စပိန်တို့နဲ့ ချန်ပီယံ ပြေးလမ်း တစ်လမ်းထဲ ကျရောက်သွားမှာ ဖြစ်ပါတယ်။ ဒါကြောင့် ကွာတားဖိုင်နယ်၊ ဆီမီးဖိုင်နယ် တို့ကို သက်တောင့်သက်သာ ကစားချင်တဲ့ ဆောက်ဂိတ်ရဲ့ အသင်းက ရှုံးထွက်အဆင့်မှာ ဂျာမနီနဲ့ ရင်ဆိုင်ဖို့ ရွေးချယ်ခဲ့ပုံပါပဲ။ ဆောက်ဂိတ် တို့ရဲ့ ရွေးချယ်မှု မှန်ကန်သလား။ မှားယွင်းသလား ဆိုတာ လက်ရှိမှာ နှစ်သင်းလုံး ခြေညီနေလို့ ပြောရတော့ ခက်ပါတယ်။ အင်္ဂလန်ရဲ့ တိုက်စစ် ကစားပုံက ထက်ထက်မြတ်မြတ် မရှိသေးပေမယ့် ခံစစ်ကတော့ မာကျော ကျစ်လျစ်နေပြီး အုပ်စု ပွဲစဉ် ၃ ပွဲစလုံး ပေးဂိုး မရှိခဲ့တာက သက်သေပါပဲ။ ကစားသမားဟောင်းကြီး အလန်ရှီးယား ကိုယ်တိုင် ဒီပွဲမှာ အင်္ဂလန်တို့ ခံစစ်ကောင်းလို့ နိုင်မယ် ဆိုပြီးတောင် သုံးသပ်ထားပါသေးတယ်။ နည်းပြ ဆောက်ဂိတ်ရဲ့ ပွဲကြိုပြောစကားအရ ဆိုရင် နောက်တန်း ၃ ယောက်နဲ့ ပွဲထွက်လာနိုင်ပြီး ဟာရီကိန်း၊ ဖိုဒန်၊ စတာလင်၊ ဖီးလစ်၊ ရိုက်စ်၊ ရိစ်ဂျိမ်းစ် အပြင် ထရစ်ပီယာကို အခုပွဲမှာ ပြန်သုံးလာမယ့် သဘောရှိပါတယ်။ အထင်အရတော့ အမှန်တကယ် နောက်တန်း ၃ ဦး ထားပြီး ပွဲထွက်လာခဲ့မယ် ဆိုရင် စတုန်းစ်ကို အလယ်၊ ဝေါလ်ကာနဲ့ မက်ဂွိုင်းယားကို ဘေးနှစ်ဖက်မှာ ထားပြီး ကစားခိုင်းပါလိမ့်မယ်။
ယော်ကင်လိုးရဲ့ ဂျာမနီ ကတော့ ထုံးစံအတိုင်း စိန်ပွင့်ပုံ ၃-၄-၂-၁ ကစားကွက်နဲ့ပဲ မြင်တွေ့ရဖို့ ရှိပြီး ဂိုးမှာ နော်ယာ၊ ခံစစ်မှာ ရူဒီဂါ၊ ဟူးမဲလ်စ်၊ ဂင်တာ၊ တောင်ပံနှစ်ဖက်မှာ ကင်မစ်ခ်နဲ့ ဂိုဆန်စ်၊ အလယ်မှာ ခရူးစ်နဲ့ ဂွန်ဒိုအန် သို့မဟုတ် ခရူးစ်နဲ့ ဂိုရက်ဇ်ကာ၊ တိုက်စစ် အတွက် ကိုင်ဟာဗက်ဇ်၊ မူလာနဲ့ အထောင်နေရာ မှာတော့ ဆာ့ဂျ် ဂနာဘရီပဲ ကစားဖို့ များပါတယ်။ နှစ်သင်းစလုံးရဲ့ ပွဲထွက် လူစာရင်းက အနေအထား သိပ်မကွာလှသလို အရန်လူစာရင်းချင်း ယှဉ်ရင်လည်း အတူတူ လောက်ပါပဲ။ လက်ရှိ ယူရို ၂၀၂၀ မှာ ဒီနှစ်သင်းရဲ့ ကစားပုံကို ကြည့်ရင် အင်္ဂလန်က သွင်းဂိုးတွေ သိပ်မက်မောခြင်း မရှိပဲ ၁ ဂိုးလောက်နဲ့ နိုင်ရင်ကို ထိန်းကစားသွားတာ တွေ့ရပြီး ဂျာမနီ ကတော့ အင်္ဂလန်နဲ့ လုံးဝ ပြောင်းပြန်ပါ။ နော်ယာ ကလွဲလို့ တစ်သင်းလုံး နေရာစုံ ကနေ ဂိုးသွင်းတတ်သူတွေချည်းပဲ မို့လို့ တိုက်စစ်ကို အရမ်းအားပြုတယ်လို့ ဆိုရမှာ ဖြစ်ပါတယ်။ အင်္ဂလန် ကတော့ ချေးလ်ဝဲလ်နဲ့ မေဆင်မောင့်တို့ ကိုဗစ် ၁၉ ကြောင့် လွဲချော်ဖို့ ရှိပြီး ဂျာမနီ ကတော့ ကလော့စတာမန် ပါဝင်ကစားနိုင်မှာ မဟုတ်ပါဘူး။
ထိပ်တိုက်တွေ့ဆုံမှုနဲ့ သမိုင်းကြောင်း
အင်္ဂလန်နဲ့ ဂျာမနီတို့ သမိုင်းတစ်လျှောက် ၃၂ ကြိမ် ထိပ်တိုက်တွေ့ဆုံထားပြီး ၁၃ ပွဲစီ အနိုင်ရကာ ၆ ပွဲ ကတော့ သရေကျထားပါတယ်။ ပြီးခဲ့တဲ့ ယူရို ၉၆ ဆီမီးဖိုင်နယ်မှာ ပင်နယ်တီ အဆုံးအဖြတ်နဲ့ ဂျာမနီတို့ ဗိုလ်လုပွဲ တက်ခဲ့ပြီး ချန်ပီယံလည်း ဖြစ်ခဲ့ပါတယ်။
- အင်္ဂလန်တို့ ယူရိုပြိုင်ပွဲကို ၁၀ ကြိမ်မြောက် ဝင်ရောက်ယှဉ်ပြိုင်ခွင့်ရခဲ့တာ ဖြစ်ပြီး ၁၉၆၈ မှာ တတိယ၊ ၁၉၉၆ မှာ ဆီမီးဖိုင်နယ် တက်ရောက် နိုင်ခဲ့ခြင်းဟာ အမြင့်ဆုံး အောင်မြင်မှု ဖြစ်ပါတယ်။
- ဂျာမနီကတော့ ယူရိုပြိုင်ပွဲကို ၁၉၆၈ ခုနှစ် နောက်ပိုင်း ယူရိုပြိုင်ပွဲမှာ ၁၃ ကြိမ်ဆက်တိုက် ယှဉ်ပြိုင်ခွင့်ရခဲ့ပြီး ၁၉၇၂၊ ၁၉၈၀ နဲ့ ၁၉၉၆ တို့မှာ ၃ ကြိမ် ဗိုလ်စွဲခဲ့ပါတယ်။ လက်ရှိမှာလည်း ယူရိုပြိုင်ပွဲမှာ အအောင်မြင်ဆုံး အသင်း အဖြစ် စပိန်နဲ့ ပူးတွဲ ရပ်တည်နေခဲ့ပါတယ်။
- အင်္ဂလန်တို့ ဝင်ဘလေ ကွင်းမှာ ကစားခဲ့တဲ့ ယူရို ပြိုင်ပွဲရဲ့ ခြေစစ်ပွဲ၊ အုပ်စုပွဲစဉ်နဲ့ ရှုံးထွက်ပွဲစဉ် အပါအဝင် နောက်ဆုံး ၉ ပွဲလုံး ပေးဂိုးမရှိတဲ့ မှတ်တမ်းကောင်း ရှိထားပါတယ်။
- ဂျာမနီတို့ အင်္ဂလန်နဲ့ ဝင်ဘလေကွင်း မှာ နောက်ဆုံးကစားခဲ့တဲ့ ၇ ပွဲလုံး ရှုံးပွဲ မရှိခဲ့ပဲ ၅ ပွဲ နိုင်ပြီး ၂ ပွဲ သရေကျခဲ့ပါတယ်။ ဂျာမနီတို့ အနေနဲ့ ၁၉၇၅ မတ်လက ဝင်ဘလေမှာ ကစားခဲ့တဲ့ ခြေစမ်းပွဲမှာ နောက်ဆုံး တစ်ကြိမ် ရှုံးနိမ့်ခဲ့တာ ဖြစ်ပါတယ်။
- သမိုင်းတစ်လျှောက် ထင်ရှားတဲ့ ထိပ်တိုက်တွေ့ဆုံမှု ကတော့ ဝင်ဘလေမှာ ကစားခဲ့တဲ့ ၁၉၆၆ ကမ္ဘာ့ဖလား ဗိုလ်လုပွဲဖြစ်ပြီး အင်္ဂလန်က အချိန်ပိုမှာ ၄-၂ နဲ့အနိုင်ရပြီး ချန်ပီယံဖြစ်ခဲ့ပါတယ်။
- ဂျာမနီတို့ နောက်ဆုံး ကစားခဲ့တဲ့ ၁၀ ပွဲမှာ ဂိုးမပေးခဲ့ရတဲ့ ပွဲ ၂ ပွဲသာရှိခဲ့ပါတယ်။
- အင်္ဂလန်ကတော့ နောက်ဆုံးကစားခဲ့တဲ့ ၁၀ ပွဲမှာ ၁ ပွဲရှုံး၊ ၁ ပွဲသရေကျထားပြီး ပြီးခဲ့တဲ့နှစ်က ဘယ်ဂျီယံကို ရှုံးနိမ့်ခဲ့ပြီးနောက် ပိုလန်နဲ့ ကမ္ဘာ့ဖလား ခြေစစ်ပွဲမှာ သွင်းဂိုး ၁ ဂိုးပေးခဲ့ရတာကလွဲရင် ကျန်ပွဲစဉ်တွေ အားလုံး ပေးဂိုး မရှိခဲ့တာ တွေ့ရပါတယ်။
- ဒီနှစ်သင်း ထိပ်တိုက်တွေ့ဆုံခဲ့ ၃၂ ကြိမ်မှာ နှစ်သင်းပေါင်း သွင်းဂိုးဟာလည်း ၉၃ ဂိုး အထိ ရှိခဲ့ပါတယ်။
လောင်းကစားဆိုင်ရာ အကြံပြုချက်များ
 |
 |
အင်္ဂလန် – ဂျာမနီ | အချိန်ပြည့် 1X2 သရေ @ 3.10 |
| ဇွန် လ ၂၉ ရက်, ည ၁၀:၃၀ နာရီ (GMT + ၆:၃၀) |
1X2 ရဲ့ ပေါက်ကြေးအရ အင်္ဂလန် အတွက် ၂.၅၀ ဆနဲ့ ဂျာမနီ အတွက် ၂.၉၀ ဆ ကြေးဖွင့် ပြီး သရေအတွက် ၃.၂၅ ဆ ကြေးဖွင့်ထားတာ တွေ့ရပါတယ်။ အင်္ဂလန်က လူငယ်ကစားသမားတွေနဲ့ ကစားနေပေမယ့် လက်ရှိ ခြေစွမ်းပိုင်း အရ အနည်းငယ် တည်ငြိမ်နေတယ်လို့ ပြောလို့ရတယ်။ ဂျာမနီကတော့ လူငယ်ကစားသမားတွေနဲ့ တစ်ပွဲနဲ့တစ်ပွဲ ခြေစွမ်း အတက်ကျ အရမ်းမြန်ဆန်လွန်းနေပြီး ကစားသမားတွေရဲ့ အတွေ့အကြုံပိုင်း လိုအပ်ချက်တွေ ရှိနေလို့ ဝင်ဘလေမှာ ရုန်းကန်ရဖို့ ရှိနေပေမယ့် မိနစ် ၉၀ အတွင်းတော့ အိမ်ရှင်ကို အနိမ့်ဆုံး သရေကစားနိုင်မယ် ဆိုတာ ယုံကြည်ပါတယ်။ အချိန်ပို၊ ပင်နယ်တီတို့ ရောက်ရင်တော့ ဂျာမနီကိုပဲ သဘောကျပါတယ်။
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
 = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
