ဆောက်သမ်တန် – လက်စတာစီးတီး
ဆောက်သမ်တန်နဲ့ လက်စတာစီးတီးတို့ ကစားမယ့် ပရီးမီးယားလိဂ် ပွဲစဉ်ကလည်း မထင်မှတ်ပဲ အကြိတ်အနယ် ရှိလာနိုင်ပါတယ်။ ဧပြီလ ၁၉ ရက်နေ့က အက်ဖ်အေဖလား ဆီးမီးဖိုင်နယ် ကစားထားတဲ့ အသင်းနှစ်သင်း ရက်ပိုင်းအတွင်းမှာ ပြန်လည်ဆုံတွေ့နေတာ ဖြစ်ပြီး အိမ်ရှင် ဆောက်သမ်တန်တို့ လက်စတာစီတီး အိမ်ကွင်းက ဒီရာသီ ရှုံးပွဲ ၂ ပွဲလုံးကို စိန့်မေရီမှာ ပြန်လည် ချေပနိုင်မလားဆိုတာ စောင့်ကြည့်ရပါမယ်။
ဆောက်သမ်တန်တို့ ပြီးခဲ့တဲ့ ပရီးမီးယားလိဂ် ၂ ပွဲဆက် နိုင်ပွဲ ပျောက်ခဲ့တာကြောင့် အမှတ်ပေးဇယား အဆင့် ၁၅ နေရာ ပြန်ရောက်သွားပြီး ရလဒ်ကောင်းပြန်မရှာနိုင်ရင် တန်းဆင်းဇုန်နဲ့ ကပ်ရပ်အဆင့်ထိ ရောက်ရှိသွားနိုင်တဲ့ အခြေအနေ ဖြစ်ပါတယ်။ နောက်ဆုံးကစားခဲ့တဲ့ ပရီးမီးယားလိဂ် ပွဲစဉ် ၅ ပွဲမှာ နိုင်ပွဲ ၁ ပွဲပဲ ရထားပြီး ကျန် ၄ ပွဲစလုံး ရှုံးနိမ့်ထားပါတယ်။ ရက်ဒ်မွန်၊ ဒန်နီအင့်ဂ်၊ ဝက်ဒ်ပရောက်စ်၊ ဝဲလ်ကော့တ်၊ ဗတ်စတာဂတ်၊ ဘက်ဒ်နာရက်ခ်၊ ဒိုင်ယာလို၊ အမ်းစတောင်း တို့လို ကစားသမားကောင်းတွေ ရှိရက်နဲ့ ရလဒ်တွေ တောက်လျောက် ဆိုးနေတာကို အခုချိန်အထိ မပြင်ဆင်နိုင်တဲ့ နည်းပြ ဟန်ဆန်ဟက်တဲလ်ရဲ့ စွမ်းဆောင်ရည်ပိုင်းနဲ့ ပတ်သတ်လို့တော့ မေးခွန်းထုတ်စရာ ရှိလာခဲ့ပါပြီ။ ပရီးမီးယားလိဂ် လက်ကျန်ပွဲစဉ်တွေမှာ လိဒ်စ်ယူနိုက်တက်၊ လစ်ဗာပူးလ်၊ ဝက်စ်ဟမ်းတို့လို အသင်းတွေနဲ့ ကစားရဦးမှာ ဖြစ်လို့ စိန့်တို့ လက်ရှိ ပုံစံအတိုင်း ရှေ့ဆက်ရင်တော့ ကျိန်းသေပေါက် ရှုံးပွဲတွေပဲ ကြုံရဖို့ များနေပါတယ်။ လက်တလော အသင်းရဲ့ တိုက်စစ်က ဒန်နီအင့်ဂ် ပေါင်ခြံဒဏ်ရာပြန်ရသွားလို့ မေလလယ်ပိုင်းလောက်အထိ အနားယူရမှာ ဖြစ်ပြီး အိုဘာဖေမီ၊ ရိုမီယူနဲ့ စမောဘုန်းတို့ကတော့ ရာသီအကုန်အထိ ကစားနိုင်မှာ မဟုတ်သလို အဓိက ဘယ်နောက်ခံလူ ဘာထရန် ကတော့ ပါဝင်ကစားနိုင်ဖို့ မသေချာသေးဘူးလို့ သိရပါတယ်။
လက်စတာစီးတီးတို့ ဆောက်သမ်တန်ကို အနိုင်ရပြီး အက်ဖ်အေဖလားမှာ ဗိုလ်လုပွဲ တက်ထားသလို ပရီးမီးယားလိဂ် မှာလည်း နောက်ဆုံး ၂ ပွဲဆက် နိုင်ပွဲ ပြန်ရှာတွေ့ထားပါတယ်။ မန်ချက်စတာစီးတီး၊ ဝက်စ်ဟမ်းတို့လို အသင်းတွေကို ရှုံးနိမ့်ထားပေမယ့် ဘရိုက်တန်၊ ရှက်ဖီးလ်ယူနိုက်တက်၊ ဝက်စ်ဘရွန်း၊ ခရစ္စတယ်ပဲလေ့စ် တို့လို အသင်းတွေကို အနိုင်ရရှိထားပါတယ်။ ဒါကိုကြည့်ခြင်းဖြင့် လက်စတာစီးတီးတို့ အသင်းကြီးတွေနဲ့ ကစားရချိန်တိုင်း ရုံးကန်ခဲ့ရပေမယ့် အသင်းငယ်တွေနဲ့ဆိုရင်တော့ ပေါ့ပေါ့ပါးပါး ကစားပြီး ဂိုးပြတ်နိုင်ပွဲတွ ရယူထားနိုင်တာ တွေ့ရပါတယ်။ အခုပွဲမှာတော့ ဟာဗေး ဘန်းစ်၊ ဂျက်စတင်တို့ကတော့ ပါဝင်ကစားနိုင်မှာ မဟုတ်ဘူးလို့ သိရပါတယ်။ ပြီးခဲ့တဲ့ပွဲမှာ ခရစ္စတယ်ပဲလေ့ကို အနိုင်ရခဲ့တဲ့ လူစာရင်းအတိုင်းပဲ ပွဲထွက်လာနိုင်ပြီး ဗာဒီ၊ တေးလီမန့်စ်၊ ကယ်လက်ချီ အီယန်နာချို၊ ကတ်စတန်နီ၊ ဖိုဖာနာ၊ မက်ဒီဆင်တို့လို ကစားသမားတွေကိုပဲ အသုံးပြုလာပါလိမ့်မယ်။
ထိပ်တိုက်တွေ့ဆုံမှုနဲ့ သမိုင်းကြောင်း
ဆောက်သမ်တန်နဲ့ လက်စတာစီးတီးတို့ ပြီးခဲ့တဲ့လကမှ အက်ဖ်အေဖလား ဆီမီးဖိုင်နယ်မှာ တွေ့ဆုံထားခဲ့ပြီး လက်စတာစီးတီးက အီယန်နာချိုရဲ့ တစ်လုံးတည်းသော သွင်းဂိုးနဲ့ အနိုင်ရထားခဲ့တယ်။ ပရီးမီယားလိဂ် ပထမအကျော့ ကင်းပါဝါကွင်းမှာလည်း လက်စတာစီးတီးတို့ ၂ ဂိုးပြတ်နဲ့ အနိုင်ရထားပါတယ်။ ပရီးမီးယားလိဂ် နောက်ဆုံး တွေ့ဆုံမှု ၅ ကြိမ်မှတော့ လက်စတာစီးတီးက ၃ ကြိမ် အနိုင်ရထားပြီး ဆောက်သမ်တန်ကတော့ ၂ ကြိမ် အနိုင်ရထားပါတယ်။ မှတ်မှတ်ရရ ပြီးခဲ့တဲ့ရာသီက လက်စတာစီးတီးတို့ စိန့်မေရီကွင်းမှာ စံချိန်တင် ၉ ဂိုးပြတ်နဲ့ အနို်ငရခဲ့ဖူးတဲ့ အစဉ်အလာတွေ ကိုလည်း မေ့လို့မရပါဘူး။
လောင်းကစားဆိုင်ရာအကြံပြုချက်များ
 |
 |
ဆောက်သမ်တန် – လက်စတာစီးတီး | အချိန်ပြည့် 1X2 ဧည့်သည် @ 2.05 |
| မေလ ၁ ရက်, ည ၁:၃၀ နာရီ (GMT + ၆:၃၀) |
1X2 ရဲ့ ပေါက်ကြေးအရ အိမ်ရှင်အသင်းအတွက် ၃.၃၀ ဆ နဲ့ ဧည့်သည်အသင်းအတွက် ၂.၀၀ ဆ ကြေးဖွင့် ပြီး သရေအတွက် ၃.၇၅ ဆ ကြေးဖွင့်ထားတာ တွေ့ရပါတယ်။ ဒီလို အခြေအနေ မျိုးမှာ အများကြီး စဉ်းစားနေစရာ မလိုပါဘူး။ အသင်းလိုက် စုဖွဲ့မှုကောင်းနေပြီး ရလဒ်တွေ တောက်လျောက် ပြန်ကောင်းနေတဲ့ လက်စတာစီတီးကိုပဲ အဝေးကွင်းမှာ ပေမယ့် ယုံကြည်ထားရမှာ ဖြစ်ပါတယ်။ လက်စတာတို့ တစ်ဂိုး အသာလောက်နဲ့ပဲ ကပ်နိုင်သွားဖို့ များပါတယ်။
ကျွန်ုပ်တို့၏ လောင်းကစားအတွက် သက်မှတ်ထားသည့် ( ) များသည်မည်မျှ တန်ဘိုးရှိကြောင်း ရှင်းလင်းချက် |
|||
|---|---|---|---|
| = €20 (ယုံကြည်ချက် အမြင့်ဆုံး) |
 = €10 (ယုံကြည်ချက်) |
= €5 (ယုံကြည်ချက် အနည်းငယ် ) |
|
ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
