အနိုင်ဂိုးတွေ မထိန်းနိုင်ခဲ့လို့ သရေတစ်မှတ်နဲ့ ကျေနပ်လိုက်ရတဲ့ ပေါ်တူဂီ

ဆာဘီးယား ၂ – ၂ ပေါ်တူဂီ

ယနေ့မနက် အစောပိုင်းမှာ ကစားခဲ့တဲ့ ပေါ်တူဂီနဲ့ ဆာဘီးယားတို့ရဲ့ ကမ္ဘာ့ဖလား ခြေစစ်ပွဲ ဥရောပဇုန် အုပ်စု အေ ဒုတိယပွဲစဉ်မှာတော့ ကွင်းလယ်ဒိုင်ရဲ့ ပွဲပြီးခါနီး အငြင်းပွားဖွယ် ဆုံးဖြတ်ချက်နဲ့အတူ တစ်ဖက် ၂ ဂိုးစီ သရေရလဒ် ထွက်ပေါ်ခဲ့ပါတယ်။ တိုက်စစ်မှူးကြီး ခရစ္စတီယာနို ရော်နယ်ဒို အနေနဲ့ ပွဲပြီးခါနီးမှာ အနိုင်ဂိုး သွင်းယူနိုင်ခဲ့ပေမယ့် ကွင်းလယ်ဒိုင်က ခွင့်ပြုပေးခဲ့ခြင်း မရှိတာကြောင့် ပေါ်တူဂီတို့ အနိုင် ၃ မှတ်နဲ့ ဝေးခဲ့ရတာ ဖြစ်ပါတယ်။

ဒီနေ့ပွဲမှာ ပေါ်တူဂီ နည်းပြ ဖာနန်ဒို ဆန်းတို့စ် အနေနဲ့ ၄-၃-၃ ကစားကွက်ကို အသုံးပြုခဲ့ပြီး ပြီးခဲ့တဲ့ ပွဲနဲ့ မတူတဲ့ ပွဲထွက် လူစာရင်းကို အသုံးပြုခဲ့ပါတယ်။ တိုက်စစ်မှာ ခရစ္စတီယာနိုရော်နယ်ဒို၊ ဘာနာဒိုဆေးလ်ဗား၊ ဒီယိုဂိုဂျော့တာ၊ ကွင်းလယ်မှာတော့ ပါရဲရား၊ အိုလစ်ဗီယာ၊ ဘရူနိုဖာနန်ဒက်စ်၊ နောက်တန်းမှာ စီဒရစ်ဆွာရက်စ်၊ ဖိုတေ၊ ရူဘင်ဒီးရာ့ဇ်၊ ဂျာအိုကန်ဆယ်လို၊ ဂိုးမှာ လိုပက်စ်နဲ့ ပွဲထွက်လာပါတယ်။ ဆာဘီးယား ဘက်မှာတော့ ဗလာဟိုဗစ်၊ မီထရိုဗစ်၊ တာဒစ်၊ ဆာဗစ်၊ မီထရိုဗစ်၊ မီလန်ကိုဗစ် တို့လို ကစားသမားတွေ ပါဝင်လာခဲ့ပါတယ်။ ဒီနေ့ပွဲမှာ ပေါ်တူဂီတို့ အစောပိုင်း ပွဲချိန်တွေမှာ အချိတ်အဆက် မိမိနဲ့ ကစားနိုင်ခဲ့ပြီး စောစောစီးစီး သွင်းဂိုးတွေ ရခဲ့ပေမယ့်လည်း ဆာဘီးယားရဲ့ နောက်ကျဂိုးတွေကို မထိန်းနိုင်ခဲ့လို့ သရေနဲ့ပဲ ကျေနပ်ခဲ့ရတာပါ။ ပေါ်တူဂီ လူငယ်ကြယ်ပွင့် ဒီယိုဂို ဂျော့တာ အနေနဲ့ ဒီနေ့ပွဲမှာလည်း အထူးခြေစွမ်းပြသွားနိုင်ခဲ့ပြီး ၁၁ မိနစ်နဲ့ ၃၆ မိနစ်တို့မှာ ဘာနာဒိုဆေးလ်ဗား၊ စီဒရစ် ဆွာရက်စ်တို့ရဲ့ ဖန်တီးပေးပို့မှုက တစ်ဆင့် သွင်းဂိုး ၂ ဂိုး ရယူပေးနိုင်ခဲ့ပါတယ်။ ဒုတိယပိုင်းမှာတော့ ချေပဂိုးပြန်ရဖို့ အားထုတ်လာတဲ့ ဆာဘီးယားတို့ ပေါ်တူဂီ နောက်တန်းကို တော်တော်လေး အလုပ်ရှုပ်စေခဲ့သလို ရန်ဒိုဂျစ်ရဲ့ ပံ့ပိုးပေးမှုကနေ ပွဲချိန် ၄၆ မိနစ်နဲ့ မိနစ် ၆၀ တို့မှာ မီထရိုဗစ်နဲ့ ကော့စတစ်တို့က ချေပဂိုး ၂ ဂိုး ပြန်လည် သွင်းယူနိုင်ခဲ့ပါတယ်။ ပွဲပြီးခါနီးမှာတော့ အသင်းခေါင်းဆောင် ခရစ္စတီယာနို ရော်နယ်ဒို အနေနဲ့ အနိုင်ဂိုး သွင်းယူနိုင်ခဲ့ပါတယ်။ သူသွင်းယူခဲ့တဲ့ ဂိုးဟာ အမှန်တကယ်လည်း ဂိုးစည်းကို ကျော်သွားခဲ့ပေမယ့် ကွင်းလယ်ဒိုင်ရဲ့ မှားယွင်းတဲ့ ဆုံးဖြတ်ချက်ကြောင့် စိတ်ပျက်စရာ ဖြစ်ခဲ့ပါတယ်။ ဒီဂိုးကို ခွင့်မပြုခဲ့လို့ ရော်နယ်ဒို ကိုယ်တိုင် တော်တော်လေး စိတ်ပျက်ခဲ့သလို အဝတ်လဲခန်းကို သွားတဲ့လမ်းမှာ အသင်းခေါင်းဆောင် လက်ပတ်ကိုတောင် လွှင့်ပစ်ခဲ့ပါတယ်။





လိဒ်ယူနိုက်တက် အာရှ ဟန်းဒီးကပ် -1.00 @ 1.88 ဂိုးပေါ် 2.75 @ 2.11 ဂိုးပေါင်း 2-3 @ 1.93 Third Line text	ဒီနေရာတွင် နှိပ်ပါ ရှင်းလင်းချက် : ကြေးများသည် ထုတ်ပြန်သည့်အချိန်တွင် မှန်ကန်မှု ရှိပါသည်။